AMEN NUN NEIH

AMEN NUN NEIH

NUMBERS 5:22
Ânchhe tuichhia i in tûr hian, i pum tipuar sela, i malpui inkâr tisâwng rawh se,’ a ti ang a, hmeichhia chuan, ‘Amen, Amen,’ a lo ti ang.

Bible-a ‘Amen’ tih a lanna hmasa ber chu Num.5:22 hi a ni a. Hmeichhia, a pasalin a rinhlelh puithiamin ânchhia a puan khum chu ‘Amen, Amen’ a lo ti tûr a ni. Amen tih hi Hebrai ṭawng a ni a, a awmzia chu ‘ni rawh se’, ‘chutiang chuan lo thleng rawh se’ tihna a ni. A tlângpui thuin a ṭha lam hi Amen a awl a, a ṭha lo lam hi Amen a har fo ṭhin. Amen hi Krista rilru pu mi tan lo chuan sawi har tak leh zawm har tak a ni.

Pathianin Abrahama hnêna a fapa neih chhun Isaaka hlân tûra a tih khan a Amen thei a. Nula thianghlim Mari khan denhlum mai theih dinhmuna ding chungin nausen Isua pai tûrin a Amen a. Kan Lal Isua ngei pawhin a no in tûr huphurh hlê mah se a Amen a. Keini pawhin a nuam lam chauh ni lovin, Pathian remruat dân apiang kan Amen ve mai theih a pawimawh êm êm a ni.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy