MUT TUINA DAMDAWI

ISAIA 57:2
Thlamuang takin an awm ta a, Nun ngîl taka khawsa ṭhînte chu An khum laizâwl ngeiah an hahchâwl ta.

Muthilh theih hi a hlu hlê a. Damlo han kan nikhuaah pawh an mut theih leh theih loh kan zâwt hmasa fo va, an mut theih chuan kan ngaih a ṭhain kan inlawmpui ṭhin. Tui taka muthilh theih hi taksa tân damdawi ṭha tak a ni a, kan muthilh theih loh chuan taksain a tuar ṭhin.

Dikna hi kan Bible thuchah pawimawh tak a ni a. Dikna tel lo chuan mihring nunin awmzia a nei tak tak thei lo. Ei leh bâr kan dapna kawngah leh kan hmalâkna hrang hrangah dikna hi a pawimawh em em a. Dik taka thil ti ṭhinte chuan venthawn tûr dân lamah leh hotute lamah an nei lo va, an nun a nuam a, an engthawlin an thlamuang a; tui takin an khumah an mu siai siai ṭhin a lo ni. Dikna hi mut tuina damdawiah in chhungkuain in lo hmang ṭhin dawn nia.