HUN PAWIMAWHNA

He khawvêlah hian mi pahnih an awm a. Chung te chu mi hlawhtling leh mi hlawhchham te an ni. Heng mite danglam nachhan chu hun an hman dan vang a ni.

Horace Greeley, chanchinbu lâr New-York Tribune neitu chu kum 4 mi a nih laiin an school-a spelling intihsiakah pakhatna a ni a.

Evangeline Booth, The Salvation Army hmeichhe General hmasa ber pawh kha mipui tam tak hmaa sermon a sawi hmasak ber ṭum chuan kum 5 mi chauh a ni.

Hugo Grotius, Father of International Law an tih kha kum kaw mi a nihin Latin Scholar an ti tawh a; kum 12 a nihin University-ah a lehkha a zir tawh a. Kum 15 mi a nihin Dân hre mi hna a thawk a, kum 21 a nih chuan History thiam hmingthang a ni tawh a, khawvêl huapa dân thiam (international jurist) a ni tawh bawk.

McCormick pawhin kum 23 mi a nihin buhsengna khâwl a hmu chhuak a.

Sir Isaac Newton-a chuan kum 24 mi a nih laiin law of gravitation hi a duang chhuak tawh a ni.

Thomas Jefferson-a pawh Declaration of Independence (British lal ram aṭanga America indanna tûr thuthlung leh kalphung tûr) a duan chhuah lai khan kum 33 mi chauh a la ni bawk.

Nun hi a hlu a, tawite mah ni se hun kan hman ṭhat chuan thil tam tak kan chhar thei a, kan zawng chhuak hman a, kan nei hman bawk ṭhin.

Hun hi a hlu a, hmansual tawh chuan a neih lêt theih loh va, kan hun hman tawh avângin kan insiamṭha thei thung a ni.