NEIH ZAWNG ZAWNG PE

NEIH ZAWNG ZAWNG PE

MARKA 12:43
Isuan a zirtîrte chu a ko va, an hnênah, “Thu dik ka hrilh a che u, mi dang zawng zawng aiin he hmeithai rethei tak hian thawhlâwm bâwmah a thlâk tam zâwk.

Mahatma Gandhi chu thingtlâng khaw hrang hrang kal pêlin khawpuite a fangkual zêl a. Charkha Sangh pawisa a khawn a. A kalna apiangah chuan Charkha Sangh tân sum dîlin hun a hmang ṭhin a ni. Vawikhat chu Orissa-ah meeting a nei . Pitar upa tawh tak hian lo hriain tel ve a tum a, mahse guard chuan an phal si lo.

Engtin tin emaw a inzep lût ve thei ta hram a. Mihring an tam em em a, chûng kârah chuan thei leh thei lo chuan pitar chu a rawn bawk vâk titih a, Mahatma Gandhi kephah chu a rawn khawih thei ta a. A sari aṭang chuan copper coin khat hi a phawrh a Mahatma Gandhi kephah chungah chuan a dah ta a.

Chu hmuna sum lût chu Jamnalal Bajaj-an a enkawl a. Gandhiji chuan a kephaha pawisa thîr chu a la a, a ak ta a, Jamnalala chuan a dîl a. Mahse Gandhiji chuan a pe phal lo va. Jamnalal chu nui uar uar chung chuan, “Pu Gandhi, Charkha Sangh tân hian cheque cheng sîng chuang inziahna ka kawl reng a, chutichung chuan coin pakhatah min ring lo a maw” a ti a.

Gandhi chuan, “Ni e, miin a nuaia nuai têl nei mah se thawhlawm atân cheng sanghnih khat chauh pe se a pawi lo ve. Mahse he coin pakhat hi pitar neih zawng zawng a ni a, a pêk hi a tam asin, chuvangin he coin hi sum tam tak aiin a hlu ka ti tlat a ni” tiin a chhâng a.

Kan thilphalna hi a tam lamah ni lovin kan tâna a hlutna a zirin kan thilpêk chu a hlu ṭhin a ni.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy