HMEITHAI THAWHLÂWM

LUKA 21:1-4
Thawhlâwm bâwma mi hausate thawhlâwm thlâk chu a thlîr reng a. Hmeithai rethei tak pakhatin dâr pawisa pahnih a rawn thlâk ve chu a hmu a. Tichuan, “Thu dik ka hrilh a che u, he hmeithai rethei tak hian mi dang zawng ai khân a thlâk tam a ni. Mi dangte hi chuan an neih liama mi an rawn thlâk a, ani erawh hi chuan tlachham chungin, intunnunna tûra a neih chhun chu a rawn thlâk a nih hi,” a ti a.

He hmeithai rethei tak hian a neih chhun, a intunnunna tur dâr tangka derê pahnih chauh a thawh a. Mi hausaten an neih liama mi thawhlawm bâwma an thlâk rîk ruih ruih ai khan Lal Isua ngaihah chuan a tam zâwk a ni.

He hmeithai rethei tak, a zawng zawnga Pathian tâna a inphalna hi Lal Isua tân a hmuhnawm hlê a ni. Kan Lalpa hian kan pêk zât a en rual hian kan pêk bâng lam pawh hi a en tel zêl niin a lang. Pe tam thei lote hi kan insit mai tur a lo ni hauh lo mai.