LALPAN A DUH A NI

– Chhantea (Oriela patea)
E. Lungdar

MATTHAIA 21:1-3
Tin, Jerusalem khua an thlen dâwnin, Bethphage khua, Olive tlâng chu an thlen chuan, Isuan zirtîrte pahnih a tîr a, an hnênah, “In hma zâwn khuaah sâwn va kal ta ula, sabengtung thlun, a kianga a no nên, in hmu mai ang; phelh ula, ka hnênah han kai rawh u. Tin, tu pawhin in hnênah eng pawh an sawi chuan, ‘Lalpan a duh a ni,’ in ti ang a; tin, ani chuan a rawn tîr nghâl mai ang,” a ti a.

Kan Lal Isuan khawvêla rawng a bâwlna vawrtâwp a thleng dâwn a. Lei leh vân lalber a ni tih hriatna leh a lanna atân Jerusalem-ah Lal anga a luh a ngai. Zawlnei te kâa thupuan te a thlen dikna atân.

Mahse Lal anga lût tûrin a mamawh ang pawh a nei zo silova. Mi tâ, mi enkawl lai sabengtung, a chunga tuma la chuan lohna chu a zirtîrte la tûrin a tîr a. Chutah a neituten an lo zawh pawha a chhân dân tûr nen lam a hrilh nghal a. Chu chu, “Lalpan a duh a ni” tih a ni.

An va kal a, Sabengtung chu va lâk an tum a. A neituten an lo chhâl ta ngei a. Isua sawi ang zia zela chhângin an la ta a. Jerusalem-ah ropui takin Lal angin a lût ta anih kha.

Tûn hunah hian mahni inchhût ve ang ule. Kan neih rohlu ber hi Lal Isua lal anga kan thinlungah a lo luh theihna atân kan phal em le? Lalpa hian pahnihna nih nilovin pakhatna nih a duh si a. “I motor, i in leh lo rosum te kha ka mite rilṭam eitûr neilote hnênah pe la, i nunah khan lal niin ka lo lût ang e” tiin Lalpan a duh min dîl se. Kan pe phal ang em le? Mahse chutak chu…

Lalpan a duh chu a ni si a.