THIHNA HNEHIN A THO LEH

LUKA 24:6-7
Hetah a awm tawh lo, kaihthawh a ni ta. Galili rama a awm laia in hnêna a sawi kha hre reng rawh u; ‘Mihring Fapa hi mi sualte kuta mantîr a ni ang a, krawsah an khêngbet ang a, ni thum ni-ah a tho leh tûr a ni,’ a tih ṭhin kha?” an ti a.

Joba’n, “Mi a thihin a nung leh ang em ni?” (14:14) tia a lo sawi chu Lal Isua thawhlehna chuan a rawn chhâng ta. Mi tam takin a thawhleh thu hi an la awih lo cheu. Thihna hneha a thawhlehna tak hi Kristiante thurin a ropui chungchuanna a ni si.

Kan Lalpa thawhlehna chuan ringtu hmasate a thlamuan a, beiseina nung a siamsak a, a tihuaisenin nungin anmahniah a inhriattîr a. Hetiang hi keimahni ngei hian kan hriain keimahniah hian kan Lalpa hi nungin a inlâr ve tawh em aw? A thawhlehna hun hman tam ai hian ‘a nung ka thinlungah’ tih theihna hi a pawimawh a. Chutianga kan tih theih loh chuan vaiho Puja hmang ang lek kan ni ang.