LUNG CHU LUM SAWN A NI

MARKA 16:3-4
“Thlân kawngka ata lung chu tuin nge min lum sawnsak ang,” an intih lai mêkin, (lung lian tak a ni rêng a) an han dâk a, lung chu lum sawn sa-in an hmu ta a.

Kum 1960 lai vêl khân Prof. Frank Morison-a, ringlo mi chuan Lal Isua an phûmna lai vêl a zu fang a. Isua a tholeh lo a ni tih fiahna ṭha tâwk hmuh chhuah tumin nasa takin a bei a. Mahse, nasa taka a beih hnu chuan thlân chhinna lung lian tak lum sawna a lo awm kha ‘Isua thawhlehzia ngawi renga puang chhuaktu’ niin a hre ta a. Kristiana inpein lehkhabu ngaihnawm tak, ‘Tu nge lung lum sawn?’ tih bu a ziak ta zâwk a ni an ti.

He lungpui, mihringte thihna thim hnuaia khârkhiptu, thiam loh chang, beiseina rêng nei lo tura lo chhîntu chu kan Lalpa thawhlehna chuan a lum sawn tîr ta! Thihna thlân thimin ringtuah thu a nei tawh lo, kan Lalpan a luh chhuak a, a hneh a, ropui takin a tho leh ta. Lalpa chu fakin awm rawh se!