BIBLE THILTIHTHEIHNA 1-NA

ISAIA 55:10-11
Ruah leh vûr chu vân aṭangin a lo tla a, Kîr leh lovin lei hi a tihnâwng ṭhîn, Thlai chi theh chu a tiṭiak a, A thehtu tân rah sêng tûr pawh a awmtîr ṭhîn. Ka kâa thuchhuak pawh Hlawhchhama kîr leh rual a ni lo ve, Ka duhzâwng chu a ti zêl ang, Ka tirhnaah a hlawhtling ngei bawk ang.

Mi hian Bible hi an lo bêl chiangin a thiltihtheihzia hi an lo hrechiang hlawm khawp nia maw le! Samuel Chadwick-a chuan, “Bible thu hre mi zîngah mi mâwl an awm lo va, a zirna ngaihthah ṭhin zîngah mi fing an awm hek lo. A phêk inkeuvah hian zîng a inṭan a, ka hnathawhna bulah ka vawng reng ṭhin a ni. A tel lovin khawi mah ka thleng ngai lo va. Ka hlimna zawng zawng thlentu a ni.” a ti.

Bible thiltihtheihna hi engtiang takin nge kan lo dai hriat ve tawh hlawm âw? A tel lovin tlai khua vâr harsa kan ti nge, a hnawksak kan ti ṭhin mah zâwk? Kan hman ṭangkai dân hi rawmawl leh thlalâk zeh nân nge, ênna leh thlamuanna min petu atân zâwk?