BIBLE CHHIAR

BIBLE CHHIAR

MARKA 12:10
He Pathian Lehkha thu hi in chhiar lâwm ni? ‘In satute lung duh loh kha, Chu ngei chu a kila lung ṭangkai ber a lo ni ta.’

Chanchin Ṭha bute kan chhiar chuan Lal Isuan Pathian thu a hriatzia kan hmu thei a. Pharisai hote a hmachhawn pawhin ‘in chhiar lawm ni’ tih te, ‘in chhiar ngai lo vem ni’ a tih ang chi te hmuh tûr a tam hle. Setana’n Pathian thu hmanga a thlêm pawh khan Pathian thu hmang vêkin a hnial thla a nih kha (Mt.4:1-10).

Bible chhiar tam hi zirtîrna dik lo laka inven nân pawh a ṭangkai a, kan mamawh engkim min chhânsak thei vektu a nih avangin kan kawm ngeih a ṭha. George Muller-a (Fahrahte pa) an tih pawhin, “Kum tinin Bible vawi li ka chhiar chhuak ṭhin a. Thinlunga vawn tumna leh nuna a taka hman tumna nên ka chhiar ṭhin a, kum 69 zet chu khawvêla mi hlim thei berte zînga mi ka lo ni ta,” a ti hial a ni. Bible chhiar hman lo kan intih viau lai hian T.V. kan en hman leh viau lawi si em aw?

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy