KAWNGKA ZÎM

KAWNGKA ZÎM

MATHAIA 7:13-14
Kawngka zîmah chuan lût rawh u, boralna kawngka chu a zau va, a kawng pawh a nuam a, chumi lama kalte chu tam tak an ni. Nunna kawngka erawh chu a zîm a, a kawng pawh a chêp a, a hmutute pawh tlêm tê an ni.

Khawvelah hian mihring vaibelchhe têl awm mah ila, thihna Jordan kan dâi kâi hunah chuan kawngka pahnih – kawngka zîm leh kawngka zâuah chauh luh theihna a awm dâwn. Kawng dang emaw, a hêlna emaw a awm dâwn lo. A khawi zâwk zâwkah emaw luh tûr a ni.

Kan Lal Isuan kan luhna tûr min kawhhmuh chu kawngka zîm a ni. He kawngkaa lût tûr chuan mahni inphat a, ni tin mahni kraws put a ngai a, thil dang zawng aia Lal Isua hmangaih zâwk a ngai a, mahni tân ni lovin, Lalpa tân leh mi dang tân nun a ngai a. Hetiang teh ṭeuh hi a nih avangin mi tam takin an peih lo va, an kîr leh a, kawngka zâuva lût tûrin – tih thiang lo reng reng awm lohna, duh ang anga khawsak theihna khawvelah an khawsa leh ṭhin. Kawngka zîmah luh i tum ang u.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.