Nun Kawng Chaw

BELHTLÂK PATHIAN

BELHTLÂK PATHIAN

– Chhantea (Oriela patea)
E. Lungdar

✝ I sumin in leh lo ropui tak i sa thei. Mahse a chhûnga inpumkhatna ṭha i lei thei lo.

✝ I sumin damdawi ṭha tinrêng i lei thei a. Mahse damna i lei thei lo.

✝ I sumin lirthei changkâng leh chhuak thar tinrêng i lei thei. Mahse hlimna i lei thei lo.

✝ I sumin thiamna, sânna leh theihna tinrêng i lei thei. Thlamuanna i lei thei lo.

✝ I sumin zahawmna, mawina tinrêng i lei thei. Mahse nun awhawm i lei thei lo.

American lemchan thiam pakhat Pathian hming rêng rêng lam ngai lo boral tûr chuan America ram bank a awm zawng zawng pawisa hi ka mamawh lo. Isua a ni ka mamawh a ti.

Nu pakhat ni tin a nuna Pathian hruaina ring tlattu chuan a in leh lo kângmei vangin a chân a. A fanu harsa taka lehkha a zirtîr M.A. result nghâktu chu kângmei avang chuan thi mêkin a awm bawk a. Khawvel thlîr chuan atân a va ipik thlâk tak êm… mahse a belh tlat Lalpa lam a en chuan a fanu thi mêk pawh chu Vân ropuina hain an hmêl ka hmu ang tiin a thlah thei a ni.

Khawvelah hian belh tur dik Pathian kan belh loh chuan kan thiamna, finna leh theihna, ropuina, sum leh pai, in leh lo ropuinain min thlamuan theih loh hunah thlamuantu tûr mamawhin kan awm dâwn tho tho a ni.

Pathian chu amah zawng tute hmuhin a awm ṭhin a. Amah ṭih tute duhzâwng chu a tih hlawhtlinsak ṭhin a. Theihna zawng zawng tâwp hnuah min thlamuan tûrin a awm reng ṭhin.

SAM 46:1
Pathian chu kan inhumhimna leh kan chakna, Mangan laia ṭanpui var ṭhîntu hnai reng a ni.

Lalpan a thu malsawm rawh se.

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Nunui Recent comment authors
  Subscribe  
newest oldest most voted
Notify of
Nunui
Guest
Nunui

a va tha emmm amen😍😍😍 a thu cu k harh swt mei🤗🤗

Copyright © 2017-2019 Our Daily Bread Mizo.
Privacy Policy