Nun Kawng Chaw

THOMA

THOMA

JOHANA 11:16
Thoma, Phîra an tih chuan a zirtîrpuite hnênah, “Thih leh thih, a hnênah i kal ve ang u,” a ti a.

Zirtir Thoma hi Chanchin Ṭha ziaktu hmasa pathumte chuan a tlar hnung lam an chantîr deuh zêl a, Johana erawh chuan tlar hmasa lam a chantîr deuh zêl. A chanchin tlêm lo zir ila –

1) Judai ram kha Isua tân a him tâwk loh avangin Ainon lamah an kal a. Lazara dam loh thu an rawn hrilh avangin Isuan kîr leh a rawt a, mi dangin an hlauh laiin Thoma chuan thih ngamin kîr ve a rawt thung.

2) Isuan a rawngbawl hna a zawh dâwnah a zirtîrte hnênah a kalsan tûr thu a hrilh a, a kalna tûr kawng chin pawh hre tûrah a ngai a, hre awm pawh an ni rêng a. Zirtîr dangten hre lo anga lan an hlauh laiin Thoma chuan an nihna dik tak a rawn au chhuahpui ngam a. A nih anga a lan ngamna hi a ropuina a ni (Joh. 14:1-8).

3) Isua thawhleh thu kha sawi mai a duh tâwk lo, amah ngeiin a hmu a, “Ka Lalpa leh ka Pathian i ni,” tiin Isua nihna ropui tak a puang chhuak ta (Joh. 20:26-29).

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Solomona thihlum Recent comment authors
  Subscribe  
newest oldest most voted
Notify of
Solomona thihlum
Guest
Solomona thihlum

a ropui thin hle ani.

Copyright © 2017-2019 Our Daily Bread Mizo.
Privacy Policy