CHHUNGKAW NGAIH PAWIMAWH

MATHAIA 6:21
In ro awmna apiangah in rilru pawh a awm ṭhin hi.

Author leh Editor, Kevin Miller chuan a lehkhabu pakhatah a thutlukna hetiang hian a sawi.

“Kum tam tak kalta-ah khan Christian pâwl lian tak pakhat hian Board Chairman ni tûrin min rawn sâwm a, keini ang duang ve meuh tân chuan a lawmawmin hnar chi rual ni hian ka hre lo a ni.

Chu hna chu mi tam tak awh leh thawh châk a ni a. A hlawh pawh a ṭha. Kan chhungkaw dinhmun pawh sâng takah min dahin kan khawsak pawh a zângkhai phah ang.

Mahse nupui fanau nei ka ni a. Ka nupui chu ka han râwn a. Ani chuan ka nupui fanau tâna hun ka neih tlêm tawh hlê laia chutiang thlenga han kal leh zêl chu min châkpui viau mah se, inrinni leh chawlhni leh zan tina ka phone call dawn tûr te leh thil dangte a ngaihtuah chuan min remtihpui ta lo va.

Tichuan Pathian ka râwn ve ta a, ka ṭawngṭai chhânna lian ber chu, ‘i nupui fanaute hmangaih la ṭha takin enkawl ang che’, tih hi a ni a. Board Chairman nihna chu ka hnar ta a ni” a ti.

Editor, Kevin-a ang hi an va ngaihsânawm tak êm. Fate tâna dârkâr tlêmte pe thei lo Pa kan tam tak êm avangin kan fate chuan kawng dik lo an zawh a. An duh vang rêng nilovin kan din chilh loh vangin chu kawng chu an zawh a ni.

Pa-in a fate tâna a tih ropui ber chu a nupui a hmangaihna hi a ni.