LÂWM ZÊL NUN

LÂWM ZÊL NUN

HABAKUKA 3:17-18
Theipui rah lovin grep rah dâwn lo mah se, Oliv pawh rah lovin lovah eng mah thar dâwn lo mah se, Huanga berâm bo zovin, ran in ruak vek mah se, Lalpa chungah chuan ka lâwm zêl ang a, Min chhandamtu Pathian chu ka fak zêl ang.

Habakuka te hunlai hian theipui te, grep te, oliv hriak te, ran vulh te hi an eizawnna langsâr tak takte an ni a. Lo neih hi an kumtin tih dân a ni bawk ṭhin. Vawktê pakhat kan tih thih pawha kan vui lek lek laia Habakuka’n hetianga a ti thei hi a fakawm hle a ni.

Khawvela awm kan nih avangin han lâwm ṭhin mah ila, a piah lawkah lungngaihnain min lo hmuak ve reng ṭhin. Chutiang a ni chungin kan chunga thil lo thleng hi a dawngtu thinlung a zir hian malsawmna a lo ni thei vek a. Habakuka’n lâwm zêl nun a nei te, Paula’n lungawi zêl nun a nei te hi nun hausa leh awhawm a ni a. Pathian lalna leh rorêlna hnuaia inphah hnuai peih apiangte hi an nihlawhin an nun a hausa mai dawn a lo ni!

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.