PIAN NI AIIN THIH NI

THUHRILTU 7:1-2
Hming ṭha hi hriak rimtui tak aiin a ṭha, Pian ni aiin thih ni. Zu hmuna kal aiin lusun ina kal a ṭha, La damte hi thi mai tûr kan nih hriat fo tûr a ni.

Thuhriltuin pian ni aia thih ni ṭha zâwka a sawi tlat mai hi hriat thiam loh mai a awl hle. Hei hi mi zawng zawngah a inang vek lo bawk. Pathian ringtu tâna a sawi a ni a. Ringtu chuan thihna Jordan lui a daikai rual rualin lâwmna sawi sên loh leh chhiar sên lohvin a lo hmuak ṭhin. D.L. Moody-a thi tûr pawhin, “Ka hmaah lâwmna pialrâl a rawn indawh kâi a, chumi hmun mawi lutukah chuan ka lut mêk a ni; min ko harh tawh lul suh ang che u,” tiin a tu leh fate hnênah a sawi a ni. Hetiang Pathian mite tân chuan pianni aiin thihni chu a lo ṭha teh meuh mai!

Kan tân hian pian ni aiin thih ni hi a ṭha zâwk ve em aw? Thihna hian tu chhûngkua mah hi a zah loh avangin min rawn luh chilh ve hun a la awm dâwn. Chu mi hunah chuan lungngaihna nge min hmuaktu ni ang, lâwmna zâwk? I in enfiah ang u.