THINUR HMÂ

THINUR HMÂ 1

THUHRILTU 7:8
Thil tâwpna chu a inṭanna aiin a ṭha, Dawh theih hi chapo aiin a ṭha.

Mahni inthunun hi a har êm êm mai a. Midangte harsatna hre miah lovin insum theih loh avângte hian kan zahawmna hi kan humhalh thei lo fo ṭhin a ni.

Zirtâwp tlâi Traffic Jam nasa lutuk kârah mi pakhat car hi a nung thei ta tlat lo mai a. Tihnun tuma theihtâwpa a beih hnu pawh chuan a tinung thei si lo. A mangang êm êm mai a, chuta kârah a hnungah motor tam tak a tih din phah a, an horn an rawn ti ri chuah chuah mai bawk si!

A duh vânga chhia a ni bîk lo va, midangte tâna harsatna siama tih khawtlai a tum pawh a ni lo va. A inthlahrun nâk alaia horn an rawn pe tuar tuar ri a hriat chuan chupa chuan a hnunga motor khalhtu hnênah chuan va kalin, “Ka pu, ka tihpalh takzet a ni, ka car hi ka tinung thei ngang lo. Min ṭanpui theih chuan ka lâwm hle ang. I motor-ah ka lo ṭhu ang a, i horn hi ka lo hmehsak thung ang che” a ti a.

He khawvêlah hian kan tum ang leh duh angin thil a thleng reng bîk hauh lo va. Chu chu midangte chungah pawh a thleng ve reng tho a ni. Hêng thil a lo thlen hian mi tam tak chu an thinur zung zung mai ṭhin a. Chu chuan mi fing lo leh zahawm lovah min siam phah fo ṭhin a ni.

Chhungkuaah, kohhranah, khawtlanga kan nun hona kawng hrang hrangah hian thil dang (Material/things) aiin kan mihringpuite hi an pawimawh zâwk tih hi kan hriat a ṭul takzet a ni.

Motor chhiat avângin inhau mai lo ila, chûngte chu a siamṭhat leh theih mai a, chî (salt) tih buak avângin inhau lo ang u, a ruh leh a harsa lo va, kan chênpuite nêna inhauh kha a pawi zâwk a ni.

THUHRILTU 7:9
Thinur insûm theih hi a ṭha e, Mi â chuan a pai reng ṭhîn.

avatar
4 Comment threads
0 Thread replies
0 Followers
 
Most reacted comment
Hottest comment thread
2 Comment authors
ZothanpuiaVlk Hmar KhawbungH. Vanlalkulha Recent comment authors
  Subscribe  
newest oldest most voted
Notify of
H. Vanlalkulha
Guest
H. Vanlalkulha

A va dik tak em. Motor a ṭang hian midangte hi ‘I va mawl ve’ tih mai a awl. minute 5 tal hi midang motor nghah nan i dawhthei ang u.

Vlk Hmar Khawbung
Guest
Vlk Hmar Khawbung

Midang motor nghah nan minute nga i dawhthei ang u.

H. Vanlalkulha
Guest
H. Vanlalkulha

Dik lutuk. Midang motor nghah nan minute nga tal i dawhthei ang u.

Zothanpuia
Guest
Zothanpuia

adikin ava tha em…..mahni inenfiah hi ava ngai em

Copyright © 2017-2019 Our Daily Bread Mizo.
Privacy Policy