KHITA HMING AN LAM HUN

KHITA HMING AN LAM HUN 2

THUPUAN 21:27
Thil bawlhhlawh eng mah a lo lût thei hek lo vang a, thil tenawm tite leh dâwt chîngte an lo lût thei hek lo vang; Berâmno nunna bu-a hming chuangte chauh an lût thei ang.

Kum 1982 liam ta khan Methodist Williamsport, Methodist Kohhranah chuan James Black-a an tih chu sunday school zirtirtu a ni a. Hmeichhe naupang fel tak, “Bessie” an tih hi a awm a; Epworth League-ah chuan Sunday School a kal ṭha em em a. Superintendent Black-a chuan a hming a lam apiangin a ‘awm’ rî hi chiang takin a hre ṭhin.

Bessie chu naupang khawngaihthlâk tak hi a ni a. An khawsak an harsa êm êm a, an chhûngkaw inrêlbâwlna a fel loh avângin James Black-a hian a bîk takin an kohhran sunday school leh naupang inkhâwmnaah a sâwm a, chutianga kal ve chauh chu a ni.

Sunday school vawi khat chu hming lam a nihin Bessie ‘awm’ rî hriat tûr a awm ta hauh lo mai a. A kal aṭanga vawi khat a awm lohna anih avângin James Black-a chu a hrilhhai hle a. A rilru chuan an chhûngkuaah harsatna lian tak a awm anih a ring a, a chhan chu a pa hi zu in ṭhin a ni si a. Thil duhawm lo tak a thleng ang tih hlau tak chung chuan an bân vêlah Bessie te in lam pan chuan a kal ta nghal a.

Tichuan an in a va thlen chuan a nau duh tak Bessie-i, hmeichhe naupang khawngaihthlak, Sunday school ṭhulh ngai lo, hming lam apianga awm thei zêl awm ta lo chu natna khumah thlan tuiin a bual zawr vek chu a zuk hmu ta a. A han ṭhut hnaih deuh a, sunday school kal thei hmêl rêng a pu lo tih a hmu chiang êm êm a. Pneumonia rang ber chi a lo vei reng a ni.

Black-a chuan, nakinah, khita Vâna hming an lum hun tûr a ngaihtuah a, chuta ‘awm’ ve thei lo tûrte khawngaithlâk tûrzia a ngaihtuah te chuan a rilru a khawih êm êm a. Piano hmaah ṭhutna a rem a, vawiin thlenga kan hla duh em em, Kristian Hla bu No. 239-na, ‘Lalpa tawtawrâwt a rîk hunin (When the rolled is called up yonder)’ tih hla hi a phuah ta a ni.

Lui râlah khian leia mi chhandamte an awm khâwm hunin,
Khita hming an lam hunin ka awm phawt ang.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy