ISUA NEIH KA DUH ZÂWK

ISUA NEIH KA DUH ZÂWK 1

FILIPI 1:29
Krista ring tûr chauh ni lovin, a tâna tuar tûr pawhin rawngbâwl hna hi in chang a ni si.

Kum 1932 khan kum 23 mi, George Beverly Shea chu Organ hmaah ṭhuin rimawi a tum rât rât a. A nu chuan Rhea F. Miller poem phuah, lehkhaa inziak chu a rawn pe a. Uluk takin a chhiar a, a thlûk mawi tak a phuah ta a ni.

Miller-i poem chuan chu tlangval thinlung chu a rawn hneh em em mai a. A thu chuan a thinlung zawng zawng chu rawn fan chhuakin mittui nen a rawn sa chhuak ta a. Chutia a fapa mittui nêna rimawi tuma inhlanna tak tak nêna a zai chu a nu chuan a rawn hmu a. Choka aṭanga a nu rawn kal chuan a thlîr reng a. Pathianni inkhâwmah sa tûrin a ngên ta a ni.

Pathianni-ah chuan George chuan a han sa ta a, chuta ṭang chuan he hla mawi tak leh ṭha tak, Mrs. Rhea F. Miller phuah, “Isua neih ka duh zâwk, ro hlu ber aiin” tih chu khawvêl miten kan lo hre ta a ni.

He hla hian George a nun a tidanglam a. NBC hnuaia music lama contract lian tak neih a, sum tam tak hai luh ai chuan Evangelist Billy Graham-a hnungzuia Pathian rawngbâwl chu a thlang zâwk a.

He hla phuahtu, Rhea F. Miller hi Martin leh Bertha Ross fanu neihchhun a ni a. A pa hian zu a in nasain sakhuana lam a ngaihsak duh ngai lo.

Howard Vassar Miller nen intawngin an innei a. Kum 28 a nih kum, 1922 khan Brooktondale-a an inhlui fanga a lên laiin a pa nunhlui chu a chhuikîr a, zu bawih aṭanga chhanchhuah a pa testimony chuan a rilru a tithar a, chung zawng zawng aia Isua neih a duh zâwkna te, rohlu leh lei sum zawng zawng aia a ta anih duhna te chuan a thinlung a khawih ta em em a, he hla hi a lo phuah ta a ni.

Ka thla rilṭâm tân chaw ṭha ber a lo ni,
Lal Isua ka duh ber, min hruaitu atân.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy