IN CHIBAI

IN CHIBAI

LUKA 1:28
Tin, vântirhkoh chu a hnênah a lût a, “Chibai, voh bîk! Lalpa i hnênah a awm,” a ti a.

Vân lam aiawha lo chhuk Gabriela meuh pawhin Mari kha chibai a rawn bûk a ni a. In-chibai hi vân lam pawhin tih dâna an lo neih a nih ve hmêl khawp mai! In-chibai hian inlawmna te, inpawhna te, inremna te, inpumkhatna te a takin a entîr a, insengso hauh lova mi dang kan tihlâwmna hmanraw ṭha tak a ni bawk.

In-chibai hi Mizo zîngah pawh kan uar sâwt ve ta hle a, a lawmawm hle. Hei hi kan changkânnain a ken tel ve a ni kan ti thei awm e. Chhûng inkhâwm neihnaah te hian hun hmangtu hian mi dang chibai kual zel ila a ṭha khawp mai. Tin, veng khat emaw khaw khat chhûnga mite pawh kan hmuh khât deuhte chu han chibai chawt zel ila a sual rêng rêng lo. Mikhual chibaite hi uar tûr a ni. Rawngbâwltu tân biak inah hmêl tharte leh mikhual rawn inkhawm lo chibaite hi a mawi khawp mai. Kohhran leh kristiante hun pui bikah te pawh inchibai hi uar hle tur a ni.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy