KOHHRAN LEH RAM RORÊLNA

ROM 13:1
Mi tin an chunga rorêltute thu thuin awm rawh se. Pathian thu lovin tu mah rorêltu an awm si lo; rorêltua awmte hi Pathian ruat an ni.

Kohhran chu Krista thisena leite kan ni a, ram rorêlna hi politics aṭanga siam a ni thung. Kristian ramah chuan ṭha taka an kal dun zêl pawh a pawimawh. A pawimawh zâwk leh pawimawh lo zâwk sawi theih a ni lo. Pâwn lam hmasâwnna tûr thilah sorkar-in mawh a phurin hma a la a, chhûng lam nun dân ṭha pâwn lama lang chhuak tûr leh thlarau khawvêl atâna inpeih tûrin Kohhran chuan a miteah hma a la thung.

Tirhkoh Paula hian rorêltute thu thua awm tûra min hrilh thu leh Pathian ruat an nih thu min hrilh a. Tirhkoh Petera’n hotute thu thua awm tûra min hrilhna kan hmu bawk (I Pet.2:18). Hetiang a nih lai hian rorêltute hian Pathian duh dânin ro an rêl em? tih erawh chu ngaihtuah tûr a awm. Bible duh dân kalh a rorêltuten ro an rêl chuan Kohhranin a khak ngam tûr a ni ang. Chutiangin Kohhran mite pawhin vote thlâk leh rorêltute tâna ṭawngṭaisak hi kan tih mâkmawh a ni.