THLARAU RAH – HMANGAIHNA

JOHANA 3:16
Pathianin khawvêl a hmangaih êm êm a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zâwk nân.

Pathian hmangaihna a lan fiahna ber chu a Fapa mal neih chhun min pêkah hian a ni a. He hmangaihna hi chu mipa leh hmeichhe inhmangaihna te, chhûngkhat inhmangaihna te, ṭhian ṭha inhmangaihna te leh ram hmangaihna ang a ni ve lo va. Hmêlmate tân pawha nun pêk theihna hmangaihna a ni.

Hei hi Paula’n a hrechiang êm êm a, I Kor. 13:47-ah hetiang hian Pathian hmangaihna chungchâng a rawn sawifiah a – dawhthei, ngilnei, îtsîk lo, infak lo, uang lo, che mawi lo lo, mahni hma sial lo, thinur duh lo, sual lam ngaihtuah lo, fel lohnaa lâwm lo, thutak lawmpui ṭhîn, engkim tuar hram hram, engkim ring, engkim beisei leh engkim tuar chhuak ṭhin a ni, tiin a sawi a. Hei hi a taka kan nunpui phawt chuan hotea intihthiam lohna a bo ang a, mite pawh keimahniah hian an rawn luang lût ve tawh zâwk dâwn a ni.