THLARAU RAH – NGILNEIHNA

SAM 103:4-5
I nunna chu khur thûk ata a tlan chhuak a, Ngilneihna leh lainatnain min hual vêl ṭhîn. Thil ṭha tinrêng ka duh tâwk min pe a, Mupui angin kei pawh ka tuai thar ṭhîn.

‘Abraham Lincoln-a a lâr êm êm chhan chu a ngilneih vâng a ni’ an ti ṭhin. Mi ngilnei chuan hmangaihna dâi thei lo a nei a, a mizia chuan mite rilru a hneh ṭhin. Paula chuan Timothea chu mi zawng zawng chunga zaidam a, sual chungah pawh dawhthei taka awm turin a fuih a (2 Tim.2:24).

Charles Hembree-a, American pa chuan, “Kan meithallâwn khawvêlah hian ngilnei taka thil kan tih thiam a ngai a. Thlaah kan thlâwk kâi thei a, boruakah hun rei tak chhûng kan thlâwk kual thei a, thla leh lei inkârah radio-in duh ang angin kan inbe thei a; mah se mihring zînga ngilneihna kan tipung thei si lo hi chu thilmak a ni” a ti. Intihsakhawmina ringawt ai chuan a hun taka mi dang chunga ngilneihna lantîr ṭhin hi a pawimawh zâwk a ni.