MARKA

2 TIMOTHEA 4:11
Luka chauh ka hnênah a awm ta a. Marka kha sâwm la, han hruai ve rawh, ani chu rawngbâwl lamah ka tân a ṭangkai si a.

Marka hming tluan hi ‘Johan Marka’ tih a ni a, Johana tih hi a Juda hming a ni a, Marka tih hi a Rom hming nia sawi a ni. Bible-ah a pa hming a lang lo va, a nu hming chü Mari a ni. Jerusalem-ah an awm a, an in hi Kristian hmasahote inkhâwm ṭhinna a ni a; Lal Isua hova zirtîrten zanriah hnuhnung an kilhona kha niin sawi a ni.

Paula leh Barnaba zin vawi khatnaah khan Johan Marka hian a zui ve a, Perga aṭangin a kîrsan a. An zin vawi hnihnaah Barnaba chuan hruai leh a duh a, Paulan a remti si lo va, nasa takin an inhnial a; an zin dun tâk loh avangin Barnaba leh Marka chu an zin dûn ta zâwk a ni. Barnaba dawhtheihna leh ṭhahnemngaihna avângin Marka pawh hruai puitlinin a awm a. Chanchin Ṭha pathumna hi kan lo ncih theih phah ta a ni. Tleirawl laia hel chîng deuhte pawh hi Pathian hmanraw ropui takah hmanin an awm ve châwk a ni tih a tichiang awm e.