BELHCHIAN DAWL LO

BELHCHIAN DAWL LO 1

1 TIMOTHEA 4:12
I naupan avâng maiin tu man ngainêp che suh se, thu sawiah te, chêtziaah te, hmangaihnaah te, rinnaah te, thianghlimnaah te ringtute entawn tlâkin awm ang che.

Vawi khat chu thil nungho hi an inhmukhâwm a. School din ṭhain an hria a. An school din tûrah chuan an tum ber chu tute pawhin an thiam loh an zir tûr a ni a, midangten an thiam chu a thiam lo hnênah an zirtîr zêl tûr a ni tih a ni.

Varak te, Ui te, Sava te pawh an tel ve a. Tichuan, school chu an han ṭan ta a. An thiam loh zîr tûr chuan an inbuatsaih ta a.

Varak chu a rawn kal a, ani chu tuihleuh thiam tak a ni a, eng anga thûk-ah pawh a pil ngai lo. Mahse a thiam loh chu zir tûrin school a kal a, Ui chuan tlân a zirtîr ta a, leia tlân ngai reng reng lo chu a theihtâwpin a tlân a, mahse tlân a harsat khawp mai. Tuihleuh chu ni se pakhatna a ni leh ngei ngei ang.

Ui chu tlân lamah a chak êm êm a, mahse Sava chuan thlawh a zirtîr ve ta a. An inzirtîrna lamah Ui chuan a kê te, a nâkruh te, a khabe ruhte a titliak ta rem rum mai a. Zir chhunzawm thei ziazang a ni lo.

Sava pawh chuan a thiam loh a zir ve a ngai ta si a, tuia chêng ngai miah lo a ni a. Varak chuan a zirtîr ve ta a. Mahse a lo thiam lo êm êm a, an inzirtîrna lamah chuan a thi teuh hle.

Kum tâwp a lo ni a, an zirchhuah chu thilnungte chuan an nihna lo tûrah chuan engahmah an lâktlâk lo tih an inhria a, school pawh chu an ti tâwp leh ta a ni.

Kan hriatreng tur chu Pathianin min siam dân ang ang hian kan inpawm tûr a ni a, kan nih loh anga lan te, lemchang ang maia midangte entawn te hi a ṭha lo a ni. Kan nih ang ang kan nih lohvin tunge kan nih chuan ang le! Pathian chuan kan awm ang angin min hmangaih vek a, min siam dân ang ang hian a ropuina tûrin min hman a duh a ni.

A dera nun te, mahni lo anga lan tum te, kan nihna anga lan ngam loh zawng zawngah te hian kan bum nasat ber chu keimahni hi a lo ni.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy