AWM DÂN DANGLAM

AWM DÂN DANGLAM

— Chhantea (Oriela patea)
E. Lungdar

Ringtute hi khawvêla chêng ni mah ila khawvêl mite nêna danglam tûra koh leh beisei kan ni. Chu danglamna chu eng nge ni ang aw ka ti fo ṭhin.

Thuziakah leh thusawiah heti hian kan hmu fo ṭhin ringtute nun kawng tûr –

Ringtu piangthar kan nih chuan kan nunah, kan thil tihah, inṭhenawm khawvenna-ah, sa sêrna hmunah, buhfai lâkna-ah, gas lâkna-ah te hian kan danglam tûr a ni kan ti fo ṭhin a, dik pawh a dik e. Ka hnial hauh lo.

Mahse, lehpek awm riauva ka hriatna chu hei hi ni. Khîngah khi chuan danglam ngam ringtu nih a ṭhat êm êm rualin kan chanvo chang tûra a mâwi tâwka beih chu a pawina ka hre lo. Ringtute danglamna tak tak chu hei hi ni hian ka hre ṭhin.

Khawvêl mite nên mihring nunphung piahlamah kan beisei loh thil a ṭha lam emaw a chhe lam emaw kan tawn chiah hian ringtu tak tak danglamna chu a hriat ṭhin.

Khawvêl mi chuan a beisei loh hlimna a tawhin Pathian a theihnghilh/hlat zual sauh va. Ringtu chuan a hnaih lehzual sawt ṭhin.

Khawvêl miin a beisei loh thihna leh lungchhiatna a tawhin Pathian a do a, a vui a, a lungawilo ṭhin. Ringtu erawh chuan nâ ti tak chungin hêng thil hi eng vanga tâwk nge ka nih? Pathianin ka lakah eng nge a duh a eng nge a beisei? tiin fianrialah Pathian a pâwl ṭhin.

ROM 12:2
He khawvêl dân ang hian awm suh ula; Pathian duh zâwng, a ṭha leh, lawm tlâk leh, ṭhat famkim chu in hriat fiah theih nân, in rilru a thara awmin lo danglam zâwk tawh rawh u.

Lalpa’n a thu malsawm rawh se.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy