THLÊMNA

— Chhantea (Oriela patea)
E. Lungdar

JAKOBA 1:2-3
Ka unaute u, fiahna tinrêng in tawh hunin thil lâwmawmah ngai vek rawh u. In rinna fiaha a awm hian tuarchhel in zir a ni tih in hre si a.

Ringtu tân thlêma awm hi sual a ni lo. Thlêm thlûka awm zâwk hi sual a ni. Ringtu inti, sual pawhin thlêm ena a en loh chu amah inbihchiang rawh se.

Jakoba vêk hian tu mahin thlêmna an tawh laiin Pathian thlêm ka ni ti suh se a lo ti bawk a. Ni e, Pathian hian sual ti tûrin tu mah a thlêm ngai lo. Min thlêmtu chu tu nge anih kan hria. Thlêm thlûka kan awm pawhin a chhan kan hria. Chuvangin Korinth lehkhathawnin min hrilh angin… thlêmna kan tawh ruala tlân chhuahna kawng min buatsaih hi i en fo ang u.