KHAWVÊL ZÂRZAWM NUN

GENESIS 13:12-13
Abrama chu Kanaan ramah chuan a awm a, Lota chu phaizâwl khuaahte chuan a awm a, a puan in chu Sodom khaw thlengin a sawn zêl a. Tin, Sodom mite chu Lalpa mit hmuhin nasa taka suaksual leh mi sual an ni a.

Lota hi Abrahama nau fapa a ni a, Haran khua aṭang khân Abrahama a zui ve a; ran rualte an lo ngah tâk avangin Abrahama’n awmna tûr ram a thlantîr a. Pathian pawh râwn hman lovin ama thuin Jordan phâi a thlang a. A puan in chu a sawn hret hret a, Sodom khaw sual takah a sawn lût ta ngê ngê a. An sual avânga mei leh kâta tihboral tûr Sodom khua chhuahsan tûr pawhin Vantirhkohte kaih chhuah ngai khawpin khawvêlnain an nun a lo pawt nghet tawh a ni.

Lota-te chhûngkua ang deuh hi tam tak a awm theih âwm e. A tîra Pathian hnaih deuh hlekte pawh lei malsâwmna an han dawn deuh chuan Biak In chu thu hran, chhûng inkhâwm tak ngial pawh hi an hman lo va; rawngbâwlna tûr thilah hial pawh an pha an pha mai a ni. Khawvêl in lo zârzawm nghet lutuk ang e.