ṬAWNGṬAI THILTIHTHEIHNA (KOHHRANHO ṬAWNGṬAINA)

TIRHKOHTE 12:5-9
Chuvângin, Petera chu tân inah chuan a awmtîr rih a; nimahsela, kohhranhovin ama tân ṭhahnemngai takin Pathian hnênah an ṭawngṭaisak ṭhîn a… Tin, Petera chu a chhuak a, a zui ta a; vântirhkoh chêtzia chu a tak a ni tih a hre lo va, mumanga a hmuh emaw a ti zâwk a.

Lal Herodan Kristiante tiduhdahin Jakoba, Johana unau pawh khandaihin a sâthlum a, Petera pawh tân inah a khung a. Kohhran hoten țhahnemngai takin an țawngțaisak țhin a. Vantirhkohvin Petera hi a muhîl lai a nâkah a bêng harh a, a khaidiat chu a kut ata a tła ta nghâl a. Mak danglam takin vêngtute paltlangin thîr kawngkhâr pawh an tân a lo inhawng chawp a, tân in aṭang chuan hruai chhuahin a awm tâ a ni.

Petera chhuah a nih nachhan hi Kohhranho țawngțaisak vâng niin a lang. Inlungrual leh tih tak zeta Kohhranhovin Lalpa kan dîl hi chu kan hlawhtling nge nge țhîn. Mitthi khaw kulh kawngkhârte pawhin a ngam loh thiltihtheihna kawltîr kan nih hi i hre reng ang u.