PE RAWH U

PE RAWH U 1

LUKA 6:38
Pe rawh u; tichuan, pêk in ni ang; ṭhahnemngai taka teh chhuaka, beng mukin, sâwi liam zawih zawih khawpin in ângchhûngah pêk in ni ang. Tehna in hman ngei khân tehsak in ni ang,” a ti a.

Mi pakhat hi chawlh hmangin tuifinriat kamah hun a hmang a. Khua a lum êm avângin tui a chêng a, mahse vanduaithlâk takin tui rawn chak thut avângin a invêng zo lo va, a tla a, chhanchhuaktu mamawh tih hriat takin a bân chu a vai luap luap a. A bulah chuan mi pakhat hi a lo chên ve avângin chupa chuan a hmuhin a hleuh hnai a, a chhanchhuak ta hlauh a ni.

Vâu kama an inhruai phei hnu chuan a chhanchhuaktu chuan, “Tui tla zâwkin ‘Ka kut ka rawn pe a che, lo vuan ang che,’ i ti kha mak ka ti khawp mai,” a ti a.

Chhanchhuahpa chuan, “Midangte ṭanpuitu pâwlah hun rei tak ka thawk tawh a, ka zirchhuah ropui êm êm mai chu mi zawng zawng hian pêk aiin dawn hi nuam an ti tih chu a ni,” tiin a chhâng.

Kan mihring rilru leh nun hi ngun takin ngaihtuah ila, tu pawh hian pêkchhuah aiin dawn hi kan duh deuh vek a ni. Pathian thu chuan ṭha tak kan dawn theihna tûrin pêkchhuah a pawimawh thu min hrilh. Midangte tâna kan tihsak apiangin kan dawn tûr a lêta tihpun a ni ṭhin.

Donald David-a, company lian tak nei chuan hemi chungchanga innghahna ṭha tak chu hetiang hian a sawi: “Mi tam takte hmasâwnna chu an chunga miten an hruai vâng nilovin, a hnuaia thawk ten an nawr chak vâng a ni châwk,” a ti.

I bula awm te leh khawsa te hnênah thil tih tum ang che. Midangte tâna nun hman hi a inchhîrawm ngai loh a, malsâwmna tam zâwk kan neihna tûrin pêkchhuah tam kan zir a ṭûl a ni. Midangte tâna malsâwmna thlentu chuan malsawm dawnna tam tak a nei ṭhîn.

LUKA 12:33
In neih apiang hralh ula, pachhiate pe rawh u, vânah, rûkru kal lohnaah, thîm ei theih lohnaah chuan, tangka ip phai thei lo te, sum ral thei lo te insiam rawh u.

avatar
2 Comment threads
0 Thread replies
0 Followers
 
Most reacted comment
Hottest comment thread
2 Comment authors
Joshua PaF. Vanchuanga Recent comment authors
  Subscribe  
newest oldest most voted
Notify of
F. Vanchuanga
Guest
F. Vanchuanga

Amen

Joshua Pa
Guest
Joshua Pa

Ava ropui emm.Amen

Copyright © 2017-2019 Our Daily Bread Mizo.
Privacy Policy