PATHIAN LALNA (SIAMTU A NIHNAAH)

PATHIAN LALNA (SIAMTU A NIHNAAH)

GENESIS 1:1-2
A tîrin Pathianin lei leh vân a siam a. Tin, lei hi a chhia a, a ruak ngawt a ni a; tui thûk tak chung chu a thim mup a. Pathian Thlarau chuan tui chungte chu a awp reng a.

Khawvêl ram zînga thil siam thiam leh lâr hmasa Mizoten kan lo hriat hmasakhote kha England leh Germany ramte an ni a. Tûnah chuan thil siam thiam ram an tam tawh avângin thiamna a sâng ta hle a, mi naran phei chuan kan chhût phâk loh finna leh thiamna khawvêlah kan lo lût ta a ni.

Thil siam thiam tak tak kan tihte siamtu chu Pathian a ni a. Mihringte chênna leilung ngei pawh Pathian siam a ni a. An thil siamna hmanrua zawng zawng pawh Pathianin leilunga hausakna a dahsa vek a ni a; a siamtute ei leh in tûr pawh Pathian siam a ni a. Buh fang khat pawh mihringin ‘lo awm rawh se’ tiin a awmtîr theih a ni lo. A thil siamah hian Pathian hi Lal a ni a. Chuvângin engkim siamtu hi kan zahin a thil siamte pawh kan hlutin kan humhalh thiam tûr a ni.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy