TALENT

TALENT 2

ISAIA 61:3
Zion khuaa khawharte hnêm tûr leh An lungngaihna lâwma chantîr tûrin, Pawr taka awm intuaihnûm leh tûr te, Ngui taka awm fak hla saktîr leh tûr tein min tîr a ni. Lalpan amah chawimawi tûra a phun, Thing duhawm tak an ni tih thu hrilh tûr ka ni.

Lalpan thiamna chi hrang hrang min pe a. Mi tam tak chuan Pathian malsâwmna an dawnte chu Pathian ropuina tûr ni loin an nawmsakna tûrin an hmang ṭhin a. Chutih rualin Setana hnathawh avângin Pathianin Talent min pêk te hmang chhuak thei loin kan awm thei bawk. A pawi hle a ni.

Sharon-i chanchin tâwi i han sawi teh ang; Sharon-i chu Poem phuah thiam tak a ni a. Tûk khat chu inchhûng ti faia a frame mawi tak a hrûkfai laiin a ṭhiannu, cancer natna vei fuihna tûra a poem phuah lai chu a hrechhuak uai uai a. A ngaihtuahna chu thui tak a kal a ni.

Hetiang hi a ni; Pawl 7 anih laiin an zirtîrtuin Krismas poem inphuahsiak tûrin a ti a. An zavai chuan an thiam ang tâwkin an han phuah ta a. Sharon-i poem phuah chu a classmate te aiin a puitlingin a ṭha êm êm a. Inah a hawn a, a phuah chhunzawm nghe nghe a ni.

A tûk leha school an kal chuan an zirtîrtu chuan Sharon-i poem phuah chu a fak êm êm a, an class-ah chuan a chhiar chhuak nghe nghe a. Chutianga poem phuah thiam tak anih avâng chuan an zirtîrtu pakhat chuan a hrangin a kâwm ta a. Mahse, chu an zirtîrtu chuan zirtîrtu dangte hnênah Sharon-i poem phuah chu poem lehkhabu aṭanga a entawn niin a sawi ta tlat mai a ni.

Sharon-i thinlung na lutuk chu kum 25 anih thlengin poem a ziak leh ta ngai reng reng lo a, mahse, hun harsa tak a tawn avângin a phuah leh ta a, chu a talent avâng chuan miten poem phuah a lo thiam tak tak a ni tih an hre ta a ni.

Miten min sawisêl avângin Pathian ropuina puanchhuah kawngah harsatna kan tâwk thei. Mahse, Pathian ropuina tûrin kan talent-te hmanga engpawh ti thei tûrin i inbuatsaih zâwk ang u.

ROM 14:8
Kan nun chuan Lalpa tân kan nung a ni a, kan thih pawhin Lalpa tân kan thi a ni; chuvângin, kan nun pawhin, kan thih pawhin Lalpa ta kan ni.

avatar
2 Comment threads
0 Thread replies
0 Followers
 
Most reacted comment
Hottest comment thread
2 Comment authors
Joshua PaRinzûala Râlte Recent comment authors
  Subscribe  
newest oldest most voted
Notify of
Rinzûala Râlte
Guest
Rinzûala Râlte

Ṭha ltk

Joshua Pa
Guest
Joshua Pa

Han țang zel teh u..hetiang hmanga in rawngbawlna hi Pathian in a malsawm ngei ka ring tlat bawk.

Copyright © 2017-2019 Our Daily Bread Mizo.
Privacy Policy