PATHIAN TÂNA TI

PATHIAN TÂNA TI 2

1 KORINTH 10:31
Chutichuan in ei emaw, in in emaw, thil in ti emaw, in tih apiangah Pathian ropuina tûr hlîrin ti rawh u.

Kathryn Graham-i chuan, “Kan thil tih apiang hi nuam ti takin thawk ila, chu aia hlimna leh lâwmna a awm ngai chuang lo a ni,” a ti. Chu chu mihringin kan nuna kan mamawh berte zînga mi a ni.

Eng pawh ti ila, kan hna thawh ni lovin a thawktu rilru put hi a pawimawh êm êm a. Mi tam tak chuan an hna apiang mai hi an ning thuai a, hna dang thawh an tum zung zung ṭhin. Eng hna pawh rinawm taka kan thawh chuan Pathian ropuina kan lanchhuah tîr thei a ni tih kan thinlungah kan hre reng tûr a ni.

Ben Cohen-a leh Jerry Greenfield-a te chu lehkha thiam tak an ni hran lo. Ice Cream zuarin nisen-sa hnuaiah phûr takin an hun an hmang ral ṭhin. Mahse an chanchin kan zirchian chuan Ice Cream siamtu company lian tak, Ben & Jerry’s Foundation neitu an lo ni reng mai.

Ben & Jerry’s Foundation chu mite hriat hlawh tak company a lo ni ta a. Kum tâwpah sum tam tak an lo tipung tawh ṭhin a. Chûng sumte chu awmze nei taka hmangin Chanchin Ṭha thehdarhna atân an hmang ṭhin a ni.

Engkim mai hi Pathian ngaihah chuan intluk tlâng vek an ni a. Bible chuan kan thil tih ni lovin keimahni-a Thlarau Thianghlim awma chu a pawimawh zâwk thu min hrilh.

Kan hnathawh hi engmah loa kan ngaih chuan Pathian ṭanpuina dîlin ṭawngṭai ila, ani chuan kan mit min tihvârsak ang. A tâna hnathawk kan nihna leh kan tih apiang a ropuina tûra ti tûr kan nihna pawh amân min hriattîr ang.

Tih tûr hrang hrang kan nei a, chu kan mawhphurna chu ṭha taka kan tih chuan keimahni-ah Pathian a inpuang ang!

2 THESALONIKA 2:14
Chumi atân chuan kan Lalpa Isua Krista ropuina chang ve tûrin kan Chanchin Ṭha hril hmangin a ko che u a ni.

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
F. Vanchuanga Recent comment authors
  Subscribe  
newest oldest most voted
Notify of
F. Vanchuanga
Guest
F. Vanchuanga

Amen

Copyright © 2017-2019 Our Daily Bread Mizo.
Privacy Policy