PATHIAN LALNA (KHAWVÊL RORÊLSAKTU)

PATHIAN TÂNA TI 1

SAM 98:8-9
Luipuite chuan an kut bêng sela; Tlângte chu hlimin zai ho rawh se, Lalpa hmaah chuan, lei rorêl tûrin a lo kal dâwn si a. Khawvêl hi fel takin ro a rêlsak ang a, Thlei bîk nei lovin mi tin ro chu a rêl ang.

Khawvêl ram hruaitute zîngah rorêltu fing leh thiam tak tak sawi tûr an tam hle. Chutiang a nih lai chuan ram dang ro an va rêlsak ngawt thei lo. Kan Pathian chu pathiante Pathian a ni a, rorêltute chunga rorêltu a ni.

Leia lal ram leh lalte hi a siam leh a rorêlna hnuaia awmte an ni a. A duh duh a tung dinga, a duh duh a paih thla bawk ṭhin a. Setana ngei pawh hi a rorêlna hnuaia awm a ni. Kan Pathian hi Lal leh rorêltu a nih angin a lo la kal leh dâwn a, khûp tinrêng a hmâah an la ṭhingṭhi ang a, lei tinrêng a hmâah an la inpuang ang. Mi tin kan thiltih leh awm dân ang zêlin rorêlsakin kan awm dâwn a ni. Khawvêl meuh rorêlsak theitu chu lei leh vân Lal a ni. A hmâah in ding ngam dawn em le?

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy