NGHET TAKA VUAN

NGHET TAKA VUAN 1

SAM 16:11
Nunna kawng chu mi kawhhmuh a, Hlimna kim chu i bula awm a ni, I ding lamah chatuan nawmna a awm bawk si a.

Hmeichhe naupang pakhat hi a pa-in sakawr chungah chuan a zirtîr dâwn a. A châwi lawp a, a hma-ah ṭhut tîrin sakawr chungah a chuan tîr ve ta mai a. Hmeichhe naupang chuan a hlau êm êm a, a pa hnênah chuan ṭap ṭuau chungin, “Sakawr khalh ka thiam lo, vawi khat mah ka la ti ngai lo, eng tin nge ka tih ang?” a ti a.

A pa chuan inringtâwk tak leh thlamuan chungin, “Hlau reng reng suh, nghet takin mi vuan tlat dawn nia!” a ti a ni.

‘Nghet takin mi vuan tlat dawn nia’ tih chu zirtîrna ṭha a va ni tak êm!

Hmeichhe naupangin nghet taka a pa a vawn tlat chuan a pa’n khalh a zirtîr thiam ang, chêtsualna lakah a veng ang, chu hmeichhe naupang chuan khalh thiam lo mah se a pa a vawn tlat chuan a hlauhna a kiam ang a, thlamuang takin a awm bawk ang.

Chu hmeichhe naupangin nghet taka a pa a vawn avânga a hlauhna leh a ṭahna mittui a hul angin keini pawh Pathianin nghet takin amah vuan tûrin min ti a, amahah rinna nghat tlat tûrin min ti a ni.

Ṭhenkhat chuan nghet taka vawn an duh a, mahse harsatna an tâwk ṭhîn. Nghet taka Pathian vuan tûr chuan amah nêna inpâwl reng a ngai a, chu inpâwlna nei reng tûr chuan ṭawngṭai tam te, Bible chhiar tam te, inkhawm tam te a ngai a ni.

Ringtu, fianrial-a Pathian pâwl ngai lo chu lawng, a karna awm lo ang a ni a, Sava, thla nei lo ang a ni.

SAM 16:1
Aw Pathian, i hnênah ka lo tlulût ta a, Min lo hum rawh.

avatar
1 Comment threads
0 Thread replies
1 Followers
 
Most reacted comment
Hottest comment thread
1 Comment authors
Muantea Recent comment authors
  Subscribe  
newest oldest most voted
Notify of
Muantea
Guest
Muantea

tha ltk,ka hlawkpui e

Copyright © 2017-2019 Our Daily Bread Mizo.
Privacy Policy