KOHHRAN HNAPUI

DÎL RAWH U 1

MATTHAIA 16:19
Vânram chabite ka pe ang chia, lei chungah eng pawh i phuar apiang vânah phuar a ni ang a; lei chungah eng pawh i phelh apiang vânah phelh a ni ang,” a ti a, a chhâng a.

Kan Lal Isuan Kohhran din chungchâng a sawi ruala a sawi chu ‘van ram chabi kawltu’ a nihna hi a ni a. J.H.Kane-a pawhin Chanchin Ṭha hril hi Kohhran hnapui ber tûr a nihzia a hrechiang khawp a, “Kohhranin Chanchin Ṭha hril a ngaihthah chuan a rinna a phatsan ni,” a ti hial a. Bonhoeffer-a pawhin, “Kohhran hian Chanchin Ṭha a hril chauhvin Kohhran tia vuah theih a ni,” a ti bawk.

Kohhran tam tak Chanchin Ṭha hril lama ṭhahnemngai tak tak sawi tûr an awm, hemi rual hian Administration leh Biak in sak lama tui zâwk a awm ve theih bawk. Biak In leh Hall sak nâna nuaih tam tak tak kan pûk ngam lai hian Chanchin Ṭha hril nân hian nuaih khat tal kan pûk ve tawh hlawm em? Kohhran hi Chanchin Ṭha hril tûra din kan ni tih hi Zoram Kristiante hian i hre thar leh mawlh ang u.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy