DÎL RAWH U

DÎL RAWH U 2

MATTHAIA 7:7
Dîl rawh u, tichuan, an pe ang che u; zawng rawh u, tichuan, in hmu ang; kik rawh u, tichuan, an hawnsak ang che u.

Jocelyn-i chu hna kal tûrin a insiam a, mahse a incheina aṭang chuan office hnathawk a ni tih pawh a hriat loh. Chhûngkaw hausa tak an nih lêm loh avangin thawmhnaw a nei ṭha lem lo. Office hna thawk mah ni se a hlawh a tam lo a, a duh angin a fate a châwm ṭha thei lo va, hrehawm a ti thei hlê a ni.

Natna a nei a, chu a natna chu zai a ngai a. Zaina tûr pawisa a nei si lo a, a tuar tawp mai a ni. Ni khat chu a natna chu a tuar zo ta ngang lo a, a inentîr ta a. Dâktawr chuan Cancer a ni ang tih a hlau hle a, Jocelyn-i erawh chuan a inentîrna man tûr a nei daih lo ang tih a hlau hle thung. Mahse, Dâktawr chuan a thawhnaten an pêksak vek tûr thu a hrilh a, a natna chu zai tûrin an inti ta a ni.

Jocelyn-i zai anih dâwn kârah chuan a fapa, kum 11 mi chu natna khirhkhan tak mai neiin damdawi inah awm a ngai ta thut mai a. Dâktawr chuan a inzai hun sawn a phal si lo va, a lungngai êm êm a ni.

A fapa chu damdawi in dangah a awm a, an inhlat êm êm mai si a. Vawi khat tal han biak a châk êm êm a, mahse telephone a awm si lo. Chu hmunah chuan mi thar mai an ni a, damdawi ina awmpui tûr ṭhianṭha an nei bawk si lo a.

Jocelyn-i chu a ṭawngṭai ta a, “Lalpa, tunah hian ka mal ngawih ngawih, khawngaihin ka fapa ka biak theih nân min ṭanpui rawh,” a ti a. Dâktawr-te hnênah a dinhmun a hrilh vek a, a awmna an sawn ta hlauh a, telephone awmna room-ah an dah ta a, a fapa nên chuan an inbe thei ta a ni. A va ropui êm!

Ṭanpuitu mamawh vek kan ni. Pathian hnênah kan manganna lang takin i thlen ṭhin ang u. Ani chuan min ṭanpui dâwn a ni. Lalpa chu fakin awm rawh se!

JOHANA 11:22
“Tûnah pawh Pathian hnêna i dîl apiang Pathianin a pe ang che tih ka hria e,” a ti a.

avatar
2 Comment threads
0 Thread replies
0 Followers
 
Most reacted comment
Hottest comment thread
2 Comment authors
Rinzûala RâlteF. Vanchuanga Recent comment authors
  Subscribe  
newest oldest most voted
Notify of
F. Vanchuanga
Guest
F. Vanchuanga

Amen.

Rinzûala Râlte
Guest
Rinzûala Râlte

Mamawh hria Pathian kan nei hi ka van vannei em! Lalpa ropui ber se

Copyright © 2017-2019 Our Daily Bread Mizo.
Privacy Policy