BIBLE

Isua Baibul a ṭha e,
Pathian thilpêk a ni e;
Thihna thawhlehna a hril e,
Nunna thu a ni e.

Bible hi lehkhabu-a chanchinbu chhuak awmchhun a ni. Khawvêl chanchinbu chuan thil thlenna hmun min hrilh a. Bible erawh chuan thil lo thleng tûr min hrilh a ni.
– D.L. Moody

Pathian leh Bible tel lovin he khawvêlah hian dik leh fel takin ro a rêl theih lo ve.
– George Washington

Bible hi thiltihtheihna nêna nung a ni. Lehkhabu dang zawng zawng tluk loh leh el phâk loh a ni. Pakhat tê mah ka hmaih ngai lo va, ni tinin a ṭhatna ka chhar chhuak ṭhîn. Khawiah mah hetiang tluk thu mâwi leh hriatna ropui ka hmu lo a, ka hma-a vânmi sipai pâwl kal ṭhup ṭhup angin min awmtîr a, tu thlarau mah hi he Bible hruaina hnuaiah hi chuan a bo ngai .
– Napoleon Bonaparte

Zau taka zir te, thûk taka zir te, ngun taka zir te hi ka duh a ni. Ka mite chuan thû mai bâkah a taka an nunpui theihna tûrin ngaithlatu mai ni lo a, a taka titu nih ka tum a ni.
– Thoedore Roosevelt

Bible chhiar hi mahni inzirna zawnga mahni inzirna ṭha ber a ni.
– Alfred Tennyson

Kei zawng Bible zir pawimawhna leh ṭhatzia hi ka lei hian a sawifiah zo ve lo ve.
– John Wanamaker

Thil hriat duh pakhat ka nei. Vânram kawng chu! Pathian chuan chu kawng chu min hrilh tûrin a rawn inphahniam a. A lehkhabuah a ziah kha maw! Chu lehkhabu chu min pe rawh u, engzât pawhin ka lei ang. Chu Pathian lehkhabu chu!
– John Wesley