HLUIHLAWN

JOSUA 7:1
Amaherawhchu, Israela thlahte chuan thil hluihlâwnah chuan thil an lo tisual ta a, Juda hnama mi Zera fa Zabdia, chu mi fapa Karmia, chu mi fapa Akana chuan thil hluihlâwn a lo la a; tichuan, Israela thlahte chungah chuan Lalpa thin a lo rim ta a.

Israel hovin Jeriko an lâk dâwnah rallâk thil engmah la lo tûra hrilh an ni a. Nimahsela Akanan a lo la a, Israel hovin Ai khaw te tak tê an lâk theih loh phah a, hnam pum puiah buaina a thlentîr ta a ni.

Setana hian ringtute hi kan kalsan tawh thil hluihlawn chi hrang hrang hmangin min bei ṭhîn a. Châkna sual leh awhna sual, mi dangin an hriata kan duh hauh loh hmangtein nasa takin min bei a. Setana biakna thil te, Poster leh milem bu sexy tak tak te, film ṭha lo pui pui te, zahmawh rawngkai video te, music bawlhhlawh tak tak te, sakhaw dang a rûka zârzawmna thilte leh thil dang tam tak kawl rûk leh hum rûk kan lo nei ṭhîn. Hêngte vang hian keimahniah leh kan inah te Thlarau Thianghlim a ngampa thei ngai lo va. Hengte hi chinral vek tûr a ni.