TUTE NGE BIBLE CHHIAR ANG

TUTE NGE BIBLE CHHIAR ANG

LUKA 8:21
Ani chuan a chhâng a, “Pathian thu hriaa zâwmte hi ka nu leh ka unaute an ni e,” a ti a.

Bible chhiar ngai lo kristian kan tam hle. Indona hmuna ralthuam nei lo sipai ang an ni.

Khawvêl miropui tak tak ten Bible chhiar pawimawhna leh ṭhatna an sawite chu nimin lamah kan hre tawh a. Engvangin nge Bible kan chhiar ve ang le?

Ṭhalai ten Bible kan chhiarna chhan tûr chu; nunkawng dik kan zawh theihna tûrin.

Putar ten Bible kan chhiarna chhan tûr chu; thih thlamuanna kan neih theihna tûrin.

Mi pawlawh ten Bible kan chhiarna chhan tûr chu; kan lo fin theihna tûrin.

Mithiam ten Bible kan chhiarna chhan tûr chu; kan inngaihtlâwmna tûrin.

Mi hausa ten Bible kan chhiarna chhan tûr chu; khawngaihna leh lainatna kan neih theihna tûrin.

Mi rethei ten Bible kan chhiarna chhan tûr chu; zângkhâina kan neih theihna tûrin.

Mi chaklo ten Bible kan chhiarna chhan tûr chu; kan lo chak theihna tûrin.

Mi chapo leh induhten Bible kan chhiarna chhan tûr chu; zilhau kan nihna tûrin.

Mi lungngai ten Bible kan chhiarna chhan tûr chu; thlamuanna kan neihna tûrin.

Misuaksual ten Bible kan chhiarna chhan tûr chu; chhandam kan nihna tûrin.

Kristian zawng zawngten Bible kan chhiarna chhan tûr chu; kawng dik kan zawh theihna tûrin.

Bible hi a nung a ni. Ke a nei a, min um reng a. Kut a nei a, min chelh reng ṭhin.
– Martin Luther

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Kozabi Hlawnceu Recent comment authors
  Subscribe  
newest oldest most voted
Notify of
Kozabi Hlawnceu
Guest
Kozabi Hlawnceu

Tha lutuk ka hlawkpui ngei ang.

Copyright © 2017-2019 Our Daily Bread Mizo.
Privacy Policy