NEHEMIA

NEHEMIA 2:17
“… hawh u, sawichhiat kan nih tawh loh nân Jerusalem kulh chu i din leh ang u,” ka ti a.

Hakalia fapa, Nehemia hi Persia lal no hlântu a ni a. A nuna zir tûr tam tak awm zîngah hêngte chauh hi han târlang ila: A chipuite sualna dem mai lova amah ngei a inhmer tel thei leh Pathian hnam thlan an nihnaah a chiang tlat hi a fakawm. Jerusalem kulh chhia din lehna chungchanga thu mai ni lova hmâ a hruai thei hi a ropui. Hnam dang nêna inneih pawlh chungchângah te, khawtlâng leh sakhaw nun tluchhia tung dingtu a ni te hi amah tiropui zualtu a ni. Tin, Pathian malsawmna dawn dân a thiam a, Pathian a ṭih avânga a hmaa Judai rama Governor lo awm tawhte tih dâna awhna suala a tlu ve lo thei hi a nun ngaihno beitîrtu a ni.

Chhûngkaw nun, hnam nun leh sakhaw nun tluchhe mêk tung ding tûr leh ram chhana dâi theu ve ngam, thu mai ni lo, thiltiha hmahruai ve ngam; Pathian ṭih vanga awhna suala tlu lo, mipui phurrit siam chîng lo kan ram hian kan va mamawh êm!