LALPA ṬAWNGṬAINA

MATTHAIA 6:9-13
Kan Pa, vâna mi, I hming zahawm rawh se. I ram lo thleng rawh se. I duh zâwng vâna an tih angin leia min ti rawh se. Vawiinah hian kan ei khawpin chaw min pe ang che. Kan batte hi min ngaidam ang che, Keini pawhin kan englo bate kan ngaihdam tâk ang khân. Sual tûra thlêmnaah min hruai lût suh la, Mi sual lakah chuan min chhandam zâwk ang che.

Lalpa ṭawngṭaina hi Matthaia leh Lukan an ziak a, Luka chuan tawitein a ziak. Matthaia ziaka a lan dân chuan mi vervêkten an tih dân anga an ṭawngṭai mai mai loh nâna Lal Isua hian ṭawngṭai dân zirtîr angin a lang a. Luka ziakah chuan Johanan a zirtîrte ṭawngṭai dân a zirtîr anga zirtîr ve tûra ngenna avanga zirtîr angin ziak a ni. Lalpa ṭawngṭaina hi ṭhen hnih – Pathian chanvo leh mihring chanvo anga ngaih theih a ni a. A hma lamah Pathian chan, chu mi zawhah mihring lam ve thung. Lalpa ṭawngṭaina hi inkhâwm bân dâwn chauhva ṭawngṭai nâna hman chi a ni lo, eng hunah pawh hman theih a ni.