NAUPANG NGAINAT

NAUPANG NGAINAT 1

MATHAIA 19:14
Isua erawh chuan, “Naupangte ka hnênah han kaltîr ula, hnar suh u; vânram chu hêng ang mite ta hi a ni si a,” a ti a.

Milim kertu lâr tak Thorvaldsen-a chuan vawi khat chu Lal Isua lim a ker a. A ang thei ang ber tûrin uluk takin ni rei tak a ker a. A ker zawh meuh chuan a an leh an loh sawi tûrin naupang pakhat a sâwm a. Chu naupang chuan, “Mi ropui tak a ni ang,” tiin a chhâng a.

Thorvaldsen-a chuan naupang chhânna aṭang chuan a la ang tâwk lo-ah ngaiin a dang a siam leh ta a. A siam zawh chuan naupang dang a sâwm leh a. Chu naupang chuan, “Lal Isua a nih hi, ‘naupangte ka hnênah han kal tir rawh u,’ titu kha” tiin a chhâng a. Thorvaldsen-a chu hlawhtlingah a inngai ta a ni.

Naupang ngaihdân hi a dik tlângpui-ah a ngaih theih. Naupangin mifel taka an sawi chu an fel tlângpui ṭhin. Chutiang chiah chuan naupangten fello-a an ngaih leh suala an ngaihte hi kristian ṭha tak an ni lo tlângpui a tih theih awm e. Naupangte hian engtin nge min ngaih ve ang le?

Bible-ah khan Lal Isuan naupangte a hmangaihzia kan hmu a. Lal Isuan a hnêna hruai tûra a tih pawh khân a kianga awm kha an hlau lo tih kan hria. Mi ṭhenkhatte hi chu naupangin an hlau fo ṭhin.

Thuhriltu lâr tak pakhat chuan a bula naupangte an infiam bawrh bawrh ngam loh chuan chumi chu Isua hnungzuitu ṭha tak a ni lo ang, a ti hial a ni.

A zirtirten naupangin Lal Isua chîmbuai an phal lo a, mahse chu chu Lal Isua ngaihdân a ni tlat lo. Lal Isua chuan tumah a hnar lo a, a buai êm êm lai pawhin amah pantu chu engtik lai pawhin a pawm reng thei a ni.

Lawmna-a khat rilru thianghlim. A mawi tûktin pâr aiin. Fak zai vâwr rilru thianghlim. A ning lo tlaini lenin.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy