LEHKHABU

2 TIMOTHEA 4:13
I lo kal hunah Troas khuaah Karpa hnêna kawrfual ka hnutchhiah kha, lehkhabute nên khân rawn keng la, savun lehkha mawlh kha rawn keng ang che.

Charles Spurgeon-a chuan Paulan Karpa hnêna a ngenna hi mawi a ti lutuk a, hetiang hian a sawi hial, “Thlarauvin a thâwkkhum mi a ni a, chuti chungin lehkhabu a la mamawh a. Kum 30 zet thu a hril tawh a, lehkhabu a la mamawh cheu. Nu chhûl chhuak azawngah tawn hriat ngah ber a ni a, lehkhabu a la mamawh tho. Van thumna meuhva lâk chhohvin a awm tawh a, mihring tâna sawi phal loh thlengin a hmu a, mahse lehkhabu a la mamawh zel. Thuthlung Thar bu zâtve dâwn a ziak tawh a, lehkhabu a la mamawh cheu,” tiin.

Lehkhabu hi kan ngainat dân a inchen lo hle a. A ṭhen tân chuan ṭhian ṭha ber a tling a, ṭhenkhat tân chuan hnawksak mai a ni thung. TV, computer leh mobile phone-te a lo tam ta a, lehkhabu chhiar lam kan ngaihthah ang tih a hlauhawm hle. Kan fate lehkhabu chhiar mi ni tûra buatsaih i tum ang u.