PATHIAN HNAIH RAWH U

JAKOBA 4:7-8
Chutichuan, Pathian thu thuin awm rawh u; amaherawhchu, Diabola dodâl rawh u; tichuan, a tlân bosan ang che u. Pathian hnaih rawh u; tichuan, anin a hnaih ang che u. Mi sualte u, in kutte sil fai rawh u; rilru bulbâl nei lote u, in thinlung tithianghlim rawh u.

Pathian hnaih duh chuan a tih tûr hmasa chu Diabola dodal a ni. Kan Lal Isua pawh khan a dodal a, thlêmna hautak tak a tawh pawh khan thlêm thlûkin a awm lo a nih kha. Diabola leh a ṭhuihruai ramhuaihote hian kan hau an nghâk a, dodal chunga kan hau chuan an tlanbo vek mai dâwn a ni.

Pathian ai hian khawvêl hnaih zâwk mai a awl hle. Lal Davida leh Solomona nun aṭang pawh khan Pathian aia khawvêl hnaih a pawizia a chiang. Keimahni tân te, kan tu leh fate sualna avâng te, kan ram sualna avâng te hian i hnaih ang u. Pathian hnaih chu lâwmna te, lungawina te, hlimna te leh huaisenna min petu a ni a. Tumah inchhîr an awm ngai lo.