ABRAHAMA FIAHNA

ABRAHAMA FIAHNA

GENESIS 22:1-2
Tin, heti hi a ni a, chûng thil hnuah chuan Pathianin Abrahama chu a fiah a, a hnênah, “Abraham,” a ti a; tin, ani chuan, “Heta hi ka awm,” a ti a. Tin, ani chuan, “I fapa, i fapa neih chhun, i hmangaih tak, Isaaka ngei kha hruai la, Moria ramah chuan kal la, chutah chuan ka hrilh tûr che tlâng pakhatah chuan hâlral thilhlanah hlân rawh,” a ti a.

Pathianin Abrahama a fiah dân hi a makin a danglam khawp mai. Inthawina atâna mihring hlân duh lo leh haw êm êmtu Pathian ngeiin Isaaka a phût tlat mai hi a mak tih loh theih a ni lo. Pathianin hmuh fıah duh a neih chu – Abrahama kha Pathian thuthlungah a rinawm leh rinawm loh a ni. Thlahtu bul ni tûrin a hman tlâk dâwn leh dâwn loh Pathian hian a fiah a, Abrahama’n fiah a lo dâwl hlê mai a, Isaaka aiah berâm a pe ta a. A fiahtu Pathian a lâwm êm avângin malsawmna thuah tam tak pêk a tiam ta zâwk a ni.

Kan chunga harsatna lo thleng hi Pathian min fiahna a ni fo. A tâna kan hmantlâk dâwn leh dâwn loh min fiah ṭhin a ni. Fiahnaah zâm mai lovin huaisen takin i hmachhawn zâwk ṭhin ang u.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.