SAWMA PAKHAT

MALAKIA 3:10
Ka inah ei tûr a awm theih nân, sâwma pakhat zawng zawng chu Thawhlâwm inah rawn la rawh u; Vân tukverhte chu hawnsak che uin, Malsâwmna dawn sên loh khawp hial Ka vûr dâwn che u nge dâwn lo che u, mi han fiah teh rêng u,” Sipaihote Lalpa chuan a ti.

Pi Choo Nam Thomas-i, Lal Isuan vânram vawi tam tak a lo fan pui tawh leh vawi 2 hremhmun a hmuhtîr tawh hnênah chuan Lal Isuan, “Sawma pakhat pe lo te hi ka thu awih lo fate an ni,” tiin a sawi. Kei nin kan phal ang ang kan pe ve ngawt hi chu vân lam ngaih dân a nih loh hmel khawp mai.

Sawma pakhat pe lo chuan rukru a hmusit thei lo chauh pawh ni lovin, an unauvah a insiam tihna a ni zâwk. Rûkrute hi jail bang zût tâwk vêla kan ngai a nih chuan sawma pakhat pe lote pawh hi an bang bîk tûr a ni lo vang. Sawma pakhat pe chhûngkua nge kan nih, pe lo chhûngkua? Kan phal tâwk ni lovin, pe tûra min phût zât i pe zâwk ang u.