WURMBRAND

DANIELA 3:17
Ṭûl a nih chuan kan Pathian biak hian meipui ata min chhan chhuak thei asin, i kut ata pawh min chhan chhuak thei ang.

Communist hunlaia Romania ram awpbeh anih lai khân sakhaw hotu hrang hrang an kokhawm a, thuchhuah khauh tak hetiang hian an tichhuak a: Tun aṭang chuan in Pathian biak rêng rêng in duh dânin in kalpui lo ang a, in thusawi tûr rêng rêng pawh sawi rawh u kan tih bâk in sawi tûr a ni lo, an ti a.

Bishop-te leh Kohhran hruaitu lawk tak takte chuan hotute thu an hlauh avângin an thuchhuak ang chuan awm an intiam zêl a. Tin, sakhaw hotu tam takin an inrempui avângin rempui lo bîk nih an hlauh avâng leh hrem bîk nih an hlauh avângin an inpe zêl bawk a.

An zîngah chuan Rev. Richard Wurmbrand-a leh a nupui, Sabina te pawh an tel ve a. Sabina chuan Pathian tân a thîkthu a chhia a, a pasal Wurmbrand-a hnênah chuan, “Richard, heng mite hian Isua Krista hmai-ah chil an chhâk a ni. Nang tal chu ding chhuak la, Isua Krista hmai-a chil hi hrufai ang che,” a ti a.

Richard Wurmbrand-a chuan, “Duh tak, i pasal ka ni a. Pathian tâna ka ṭan tlat chuan i pasal i chân ang. Min that ngei dâwn si a, chu chu i pawm thei dâwn em ni?” a ti a.

Sabina chuan chiang tak mai hian, “Ka Lalpa leh Pathian an hmuhsit laia ngawi renga ding pasal neih ka duh lo ve,” a ti a. Richard Wurmbrand-a chu a rawn ding chhuak nghal a, an inhmuhkhâwmna hmunah chuan Pathian thu huaisen takin a sawi ta piap piap mai a. Communist-ho chuan an man a, kum tam tak lung inah an khung ta a ni.

Sabina pawh lung in a tâng hman hial a, mahse Pathianin a awmpui a, an fapa, Mahila pawh a kaihruai a, kum 25 liam hnuah dam takin an inhmukhâwm leh anih kha.

“Rinna, tuarnain a tihchhiat theih chu rinna tak tak a ni lo e” – Richard Wumbrand