KRISTIAN TIHDUHDAHNA

KRISTIAN TIHDUHDAHNA

MATTHAIA 24:9
Chumi hunah chuan hrehawm tuar tûrin an mantîr ang che u a, an tihlum ang che u; ka hming avângin hnam zawng zawng huat in ni ang.

Lal Isua khan a zirtîrte hnênah dodalna leh tihduhdahna an tawh tûr thu a lo hrilh lâwk diam tawh a. A hrilh ang ngeiin Kohhran hmasa hunah khan Judaho aṭang leh Rom lalte aṭangin tihduhdahna râpthlâk tak tak vawi tam tak an tuar a. Stephana kha Juda hovin lunga deng hlumin Kristian martar hmasa ber a ni. “Lalpa, hei an thil tihsual hi an chungah mawh phurhtîr suh ang che,” tiin ṭhingṭhiin a ṭawngṭaisak a ni (Tirh.7:60).

Tûn thlengin khawvêl hmun hrang hrangah Lal Isua hming ṭan avanga martar an la awm reng a. Zirtuten an chhût dânin ni tin kristian martar hi 470 awm ziah ang a ni, an ti a. Kan India ram chhûngah ngei pawh tihduhdahna a nasa ta hle mai. Tuartute tân ṭawngṭaisak zêl ila. Tihduhdahna thlipuiin min nuai ve pawhin thih thlenga rinawm taka a hming ṭan ngam tûrin i inbuatsaih ang u (Thup.2:10).

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy