SAMARI MI ṬHA

SAMARI MI ṬHA

LUKA 10:33-34
Amaherawhchu, Samari rama mi tu emaw a zin kalin a awmna chu a lo thleng a, a hmuh veleh a khawngaih êm êm a, a hnênah a va kal a, a pemahte chuan hriak leh uain a leih a, a tuam a, ama sa chungah a chuantîr a, khualbûkah a kalpui a, a enkawl ta a.

Kan ramah hian Setanan a hliam, thi lek leka a kalsan, hriak hnawih a, tuam dam ngai leh enkawl ngai kan va ngah ta êm! Heng mite hi a huatthlala zâwnga ngaihtuah chuan huat ve theih tak an ni a. Rawngbâwltu tân pawh tuam dam a hnêkin kut thlâk mai a châkawm châng a awm ve fo; mahse hengte hi Lal Isua VIP-te an ni tlat si. Hengte tân hian Samari mi ṭha ni tûra koh kan ni a. Kan khawngaih lêm loh pawhin rawngbâwlsak chu Pathian aṭanga kan mawhphurhna a ni hrim hrim.

He Samari khual zin hi hliam tuar tân hian a inhuam thui hle a, a zawng zawngin a inpe a ni. Mahni inchhan chhuak thei lote chhan chhuah leh ṭanpui ngaite ṭanpui hi ringtute mawhphurhna a ni tih hi i hre thar leh ang u.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.